പാരിസ്: മുന്‍ ഫ്രഞ്ച് താരവും മാഞ്ചസ്റ്റര്‍ സിറ്റി മധ്യനിര താരവുമായിരുന്ന സമിര്‍ നസ്‌റിക്ക് ആറ് മാസത്തെ വിലക്ക്. ഉത്തേജക മരുന്ന് ഉപയോഗിച്ചതായി തെളിഞ്ഞതിനെ തുടര്‍ന്നാണ് താരത്തിന് യുവേഫ വിലക്കേര്‍പ്പെടുത്തിയത്.
നിരോധിത മരുന്നിന്റെ അംശങ്ങള്‍ നസ്‌റിയുടെ ശരീരത്തില്‍ നിന്ന് കണ്ടെത്തിയതായി 2016ല്‍ പരിശോധനയില്‍ തെളിഞ്ഞിരുന്നു. ഇതേ തുടര്‍ന്ന് താരം നല്‍കിയ അപ്പീല്‍ കഴിഞ്ഞ മാര്‍ച്ചില്‍ തള്ളിയിരുന്നു. ഇതിന് പിന്നാലെയാണ് യുവേഫ വിലക്കേര്‍പ്പെടുത്തിയത്. വിലക്കിനെതിരേ അപ്പീല്‍ നല്‍കാന്‍ താരത്തിന് അവകാശമുണ്ടെന്ന് യുവേഫ വ്യക്തമാക്കി. നസ്‌റി നിലവില്‍ ഒരു ടീമിനായും കളിക്കുന്നില്ല.