കൊച്ചി: ആറാമത് മാക്‌സോ കപ്പ് ഫ്‌ളെഡ്‌ലിറ്റ് സോഫ്റ്റ് ബോള്‍ ക്രിക്കറ്റ് ടൂര്‍ണമെന്റ് സെന്റ് ആല്‍ബര്‍ട്‌സ് കോളജ് ഗ്രൗണ്ടില്‍ ഇന്നാരംഭിക്കും.
വൈകിട്ട് ആറിന് നടക്കുന്ന ചടങ്ങില്‍ കേരള താരം ബേസില്‍ തമ്പി ടൂര്‍ണമെന്റ് ഉദ്ഘാടനം ചെയ്യും. ദിവസവും ആറ് ഓവറുകള്‍ വീതമുള്ള എഴ് മത്സരങ്ങള്‍ ആണ് ടര്‍ഫ് വിക്കറ്റില്‍ നടക്കുക. ഇതില്‍ രണ്ട് ഓവറുകള്‍ പവര്‍ പ്ലേ ആയിരിക്കും. ഒരു ടീമില്‍ എട്ട് പേര്‍ ഉണ്ടാകും. ഒന്നാം സമ്മാനം ഒരു ലക്ഷം രൂപയും രണ്ടാം സമ്മാനം 50,000 രൂപയും സെമി ഫൈനലില്‍ പുറത്താകുന്ന ടീമുകള്‍ക്ക് 10,000 രൂപ വീതവും നല്‍കും.
ഇതിന് പുറമെ ഓരോ മത്സരത്തിലും മാന്‍ ഓഫ് ദി മാച്ചും കാണികള്‍ എടുക്കുന്ന ക്യാച്ചിനും സമ്മാനം നല്‍കും. സെമി, ഫൈനല്‍ മത്സരങ്ങള്‍ മാര്‍ച്ച് നാലിന് നടക്കും.
32 ടീമുകള്‍ പങ്കെടുക്കുമെന്ന് വാര്‍ത്താ സമ്മേളനത്തില്‍ സനൂപ് വി നാഥ്, ഹംസക്കുഞ്ഞ്, ബിജു വര്‍ഗീസ് അറിയിച്ചു.