ഡല്‍ഹി: വിജയ് ഹസാരെ ട്രോഫി ക്രിക്കറ്റ് കിരീടം കര്‍ണാടകയ്ക്ക്. ഫൈനലില്‍ സൗരാഷ്ട്രയെ 41 റണ്‍സിന് വീഴ്ത്തിയാണ് അവര്‍ ജേതാക്കളായത്. ആദ്യം ബാറ്റ് ചെയ്ത കര്‍ണാടക 253 റണ്‍സില്‍ പുറത്തായപ്പോള്‍ സൗരാഷ്ട്രയുടെ പോരാട്ടം 212ല്‍ അവസാനിച്ചു. മിന്നും ഫോമിലുള്ള മയാങ്ക് അഗര്‍വാള്‍ കര്‍ണാടകയ്ക്കായി (90) തിളങ്ങിയപ്പോള്‍ മറുഭാഗത്ത് ക്യാപ്റ്റന്‍ ചേതേശ്വര്‍ പൂജാര (94) മികവ് പുലര്‍ത്തി. മറ്റൊരാളും പിന്തുണയ്ക്കാനില്ലാതെ പോയത് സൗരാഷ്ട്രയ്ക്ക് തിരിച്ചടിയായി.