മണ്ണാര്‍ക്കാട്: യൂത്ത് ലീഗ് പ്രവര്‍ത്തകന്‍ സഫീറിന്റെ മരണം രാഷ്ട്രീയവത്കരിക്കുന്നതിനെതിരെ പിതാവ് സിറാജുദ്ദീന്‍. സഫീറിന്റെത് രാഷ്ട്രീയ കൊലപാതകമല്ലെന്ന് അദ്ദേഹം പറഞ്ഞു.

പ്രതികള്‍ സി.പി.ഐ ആകുന്നതിന് മുന്‍പ് തന്നെ ഇവരുമായി പ്രശ്‌നങ്ങളുണ്ടായിരുന്നു. മുന്‍വൈരാഗ്യം മാത്രമാണ് കൊലപാതകത്തിന് പിന്നിലെന്നും സിറാജുദ്ദീന്‍ പറഞ്ഞു.

ഇത് രാഷ്ട്രീയ കൊലപാതകമല്ലെന്ന് പൊലിസ് നേരത്തെ വ്യക്തമാക്കിയിരുന്നു.

അതേസമയം, സഫീര്‍ കൊല്ലപ്പെട്ട സംഭവത്തില്‍ ഗൂഢാലോചനയെന്ന് മണ്ണാര്‍ക്കാട് എം.എല്‍.എ ഷംസുദ്ദീന്‍ നിയമസഭയില്‍ ആരോപിച്ചു. അക്രമത്തിനു ശേഷം പ്രതികള്‍ ഓടിപ്പോയത് സി.പി.ഐയുടെ ഓഫിസിലേക്കാണെന്നും അദ്ദേഹം പറഞ്ഞു.