തലശേരി: രമേശ് ചെന്നിത്തലയെ പ്രതിപക്ഷ നേതാവാക്കിയതില്‍ മുസ്‌ലിംലീഗിന് അഭിപ്രായവ്യത്യാസമില്ലെന്ന് പി.കെ.കുഞ്ഞാലിക്കുട്ടി. നിയമസഭാ തെരഞ്ഞെടുപ്പ് വേളയില്‍ സ്റ്റേജില്‍ നിന്ന് വീണുപരുക്കേറ്റ് ചികിത്സയില്‍ കഴിയുന്ന മുസ്‌ലിംലീഗ് നേതാവ് കെ.എം സൂപ്പിയെ തലശേരി ഇന്ദിരാഗാന്ധി ആശുപത്രിയില്‍ സന്ദര്‍ശിക്കാനെത്തിയതായിരുന്നു അദ്ദേഹം. ഇരിട്ടി മുഴക്കുന്നില്‍ വെട്ടേറ്റ് ചികിത്സയില്‍ കഴിയുന്ന ഏഴു വയസുകാരന്‍ കാര്‍ത്തികിനേയും അദ്ദേഹം സന്ദര്‍ശിച്ചു. അഡ്വ.പി.വി സൈനുദ്ദീന്‍, അഡ്വ. കെ.എ ലത്തീഫ്, മുഹമ്മദ്, എ.പി മുഹമ്മൂദ് എന്നിവരും കുടെയുണ്ടായിരുന്നു.