തോക്കും ഉണ്ടയും എടുത്തു നടക്കുന്ന മുഖ്യമന്ത്രി ഒരു വിരല്‍ ചൂണ്ടുമ്പോള്‍ നാലുവിരല്‍ തന്റേ നേരെത്തന്നെയാണ് ചൂണ്ടുന്നതെന്ന് ഓര്‍ക്കണം. സേവറി ഹോട്ടലില്‍ അക്രമമുണ്ടായത് പള്ളിക്കുന്ന് ബാങ്കിലെ അക്രമത്തെ തുടര്‍ന്ന്  കണ്ണൂര്‍ ജില്ലയില്‍ നടന്ന കേസുകളെക്കുറിച്ച് അറിയാത്തവരുണ്ട്. താന്‍ ഡി.സി.സി പ്രസിഡന്റായ കാലയളവില്‍ സി.പി.എം പ്രവര്‍ത്തകരെ ആക്രമിച്ച നാലുകേസുകളാണ് കോണ്‍ഗ്രസ് ഉള്‍പ്പെട്ട കേസുകള്‍. ഒന്ന് വിനോദിനെ ചൊവ്വ ബാങ്കിലിട്ട് വെട്ടിയ കേസ്. ഈ കേസ് ജയന്ത്‌ലാലിനെ വെട്ടിയതിന് കൗണ്ടറായി സംഭവിച്ചതാണ്. ഈ കേസുകളിലൊക്കെ പ്രതികളുമുണ്ടായിട്ടുണ്ട്. കോഓപ്പറേറ്റീവ് പ്രസ്സില്‍ പ്രശാന്തിനെ വെട്ടിയത് കൂടത്തില്‍ വിജയന്റെ കൈവെട്ടി വയലില്‍ എറിഞ്ഞ ശേഷം ഉണ്ടായ പ്രകോപനത്തിലാണ.് സേവറി ഹോട്ടലില്‍ നാണു വധിക്കപ്പെട്ട അക്രമം ഉണ്ടായത് പള്ളിക്കുന്ന് സര്‍വ്വീസ് സഹകരണ ബാങ്കിലെ കരുണാകരനെ വെട്ടിയതിനെ തുടര്‍ന്ന് ഒരു കാറിനെ പിന്തുടര്‍ന്നതിനെ തുടര്‍ന്നാണ് സേവറി സംഭവം ഉണ്ടാകുന്നതെന്നും കെ.സുധാകരന്‍ പറഞ്ഞു.