മാഡ്രിഡ്: സ്പാനിഷ് ലാ ലിഗ പോരാട്ടത്തില്‍ അത്‌ലറ്റിക്കോ മാഡ്രിഡിന് തകര്‍പ്പന്‍ ജയം. മറുപടിയില്ലാത്ത നാല് ഗോളുകള്‍ക്ക് അവര്‍ സ്വന്തം തട്ടകത്തില്‍ ലെഗാനസിനെ തകര്‍ത്തു. നാല് ഗോളുകളുമായി അന്റോയിന്‍ ഗ്രിസ്മാന്‍ അത്‌ലറ്റിക്കോയുടെ വിജയത്തിന്റെ അമരത്ത് നിന്നു. 26, 35, 56, 67 മിനുട്ടുകളിലാണ് ഫ്രഞ്ച് താരം വല ചലിപ്പിച്ചത്.
മറ്റ് മത്സരങ്ങളില്‍ സെവിയ്യ, ഗെറ്റാഫെ, എയ്ബര്‍ ടീമുകളും വിജയം സ്വന്തമാക്കി.
സെവിയ്യ മറുപടിയില്ലാത്ത ഒരു ഗോളിന് മലാഗയെ വീഴ്ത്തിയപ്പോള്‍ ഗെറ്റാഫെ 3-0ത്തിന് ഡിപോര്‍ടീവോ ലാ കൊരുണയേയും വീഴ്ത്തി.
എയ്ബര്‍ സ്വന്തം തട്ടകത്തില്‍ മറുപടിയില്ലാത്ത ഒറ്റ ഗോളിന് വിയ്യാറലിനെ അട്ടിമറിച്ചു. വലന്‍സിയ- അത്‌ലറ്റിക്ക് ബില്‍ബാവോ പോരാട്ടം 1-1ന് സമനില.