ഷിംല: സ്വകാര്യ വാഹനം കൊക്കയിലേക്ക് മറിഞ്ഞ് എട്ടുപേര്‍ മരിച്ചു. ബിലാസ് പൂര്‍ ജില്ലയിലെ ചണ്ഡിഗഡ്-മണാലി ദേശീയ പാതയില്‍ വച്ചാണ് പഞ്ചാബ് സ്വദേശികള്‍ സഞ്ചരിച്ച വാഹനം അപകടത്തില്‍പെട്ടത്. പഞ്ചാബിലെ അമൃത്്‌സറിനടുത്ത കേലെഘണ്‍പൂര്‍ ഗ്രാമവാസികളാണ് മരിച്ചവര്‍.
കുളു ജില്ലയിലെ മണികാരന്‍ സിഖ് ക്ഷേത്രത്തില്‍ സന്ദര്‍ശനം നടത്തി തിരിച്ചുവരുമ്പോഴായിരുന്നു അപകടം.
മരിച്ചവരെല്ലാം ബന്ധുക്കളാണ്. പരുക്കേറ്റവരെ ഹിമാചലിലെ ആശുപത്രിയില്‍ പ്രവേശിപ്പിച്ചു.