ശ്രീനഗര്‍: ഉത്തര കശ്മിരിലെ കുപ്്‌വാര മേഖലയില്‍ നാല് ദിവസം മുന്‍പ് മഞ്ഞിടിച്ചിലില്‍ കാണാതായ മൂന്നുപേരുടെ മൃതദേഹങ്ങള്‍ രക്ഷാ പ്രവര്‍ത്തകര്‍ കണ്ടെടുത്തു.
കുപ്‌വാര സ്വദേശികളായ മുഹമ്മദ് ലോണ്‍(37), മുഹമ്മദ് അല്‍താഫ് മിര്‍(25), ബഷീര്‍ അഹമ്മദ് ഗനി(13) എന്നിവരാണ് മരിച്ചത്. സൈന്യം, പൊലിസ്, സംസ്ഥാന റവന്യൂ വകുപ്പ് എന്നിവരടങ്ങിയ 60 അംഗങ്ങള്‍ നടത്തിയ തിരച്ചിലിലാണ് മൃതദേഹങ്ങള്‍ കണ്ടെടുക്കാനായത്.
നായാട്ടിനായി പോയ സംഘത്തിലുള്ളവരാണ് അപകടത്തില്‍ മരിച്ചതെന്ന് പൊലിസ് അറിയിച്ചു.