കൊല്‍ക്കത്ത: നിലവിലെ ഐ.എസ്.എല്‍ ചാംപ്യന്‍മാരായ എ.ടി.കെയുടെ പരിശീലക സ്ഥാനത്ത് നിന്ന് ആഷ്‌ലി വെസ്റ്റ്‌വുഡ് രാജിവച്ചു. ഈ സീസണില്‍ എ.ടി.കെയുടെ സ്ഥാനമൊഴിയുന്ന രണ്ടാമത്തെ കോച്ചാണ് വെസ്റ്റ്‌വുഡ്. നേരത്തെ ടെഡ്ഡി ഷെറിങ്ഹാമിനെ കോച്ച് സ്ഥാനത്ത് പുറത്താക്കിയിരുന്നു. പിന്നാലെയാണ് ടെക്‌നിക്കല്‍ ഡയറക്ടറായ വെസ്റ്റ്‌വുഡിന് സ്ഥാനം നല്‍കിയത്. സീസണില്‍ മൂന്ന് വിജയങ്ങള്‍ മാത്രമാണ് ചാംപ്യന്‍ ടീമിന് സ്വന്തമാക്കാനായത്. ടീമിന്റെ അവസാന മത്സരം നടക്കാനിരിക്കേയാണ് വെസ്റ്റ്‌വുഡ് ജോലി മതിയാക്കിയത്. ടെഡ്ഡി ഷെറിങ്ഹാമിന്റെ കീഴില്‍ മോശം പ്രകടനം നടത്തിയതിനെ തുടര്‍ന്നായിരുന്നു വെസ്റ്റ്‌വുഡിന്റെ വരവ്. എന്നാല്‍ അതും വിജയം കണ്ടില്ല.