ന്യൂഡല്‍ഹി: തെരഞ്ഞെടുപ്പ് വിജയപ്രസംഗത്തിനിടെ പള്ളിയില്‍ നിന്ന് ബാങ്ക് വിളി ഉയര്‍ന്നു. ഇതോടെ, പ്രസംഗം നിര്‍ത്തി പ്രധാനമന്ത്രി നരേന്ദ്ര മോദി.

ന്യൂഡല്‍ഹിയില്‍ പാര്‍ട്ടി ആസ്ഥാനത്തായിരുന്നു മോദി ജനങ്ങളെ അഭിസംബോധന ചെയ്തിരുന്നത്. മോദി പ്രസംഗിക്കാന്‍ തുടങ്ങി ഒരു മിനിറ്റിനകം അടുത്തുള്ള പള്ളിയില്‍ നിന്ന് മഗ്‌രിബ് ബാങ്ക് വിളി ഉയര്‍ന്നു.

ഇതോടെ പ്രസംഗം നിര്‍ത്തുകയും ബാങ്ക് വിളിക്കുന്നുണ്ടെന്ന് അണികളോട് പറയുകയും ചെയ്തു. പിന്നാലെ എല്ലാ പ്രവര്‍ത്തകരും മൗനം പാലിച്ചു.