തിരുവനന്തപുരം: താന്‍ പൂര്‍ണ ആരോഗ്യവാനാണെന്ന് മുഖ്യമന്ത്രി പിണറായി വിജയന്‍. താന്‍ മരിക്കണമെന്ന് ആഗ്രഹിക്കുന്നവരുണ്ട്. അവരാണ് ഇത്തരം വാര്‍ത്തകള്‍ മെനഞ്ഞതെന്നും മുഖ്യമന്ത്രി പറഞ്ഞു.മുഖ്യമന്ത്രിയെ ചെന്നൈ ഗ്രീംസ് റോഡിലുള്ള അപ്പോളോ ആശുപത്രിയില്‍ പ്രവേശിപ്പിച്ചുവെന്ന വാര്‍ത്തയോട് പ്രതികരിക്കുകയായിരുന്നു അദ്ദേഹം.

ചെന്നൈയിലേത് പതിവ് പരിശോധനയായിരുന്നു. രക്തത്തിലെ പ്ലേറ്റ്‌ലറ്റ് കുറവാണെന്ന തരത്തില്‍ വാര്‍ത്തകള്‍ പ്രചരിച്ചതായി കേട്ടു. തനിക്ക് അത്തരം പ്രശ്‌നങ്ങളൊന്നുമില്ല. താന്‍ മരിക്കണമെന്ന് ആഗ്രഹിക്കുന്ന ചില മാധ്യമപ്രവര്‍ത്തകര്‍ ചമച്ച വാര്‍ത്തയാണിതെന്നും മുഖ്യമന്ത്രി കുറ്റപ്പെടുത്തി.

വെള്ളിയാഴ്ച രാത്രിയാണ് പരിശോധനക്കായി മുഖ്യമന്ത്രിയെ ചെന്നൈയിലെ അപ്പോളോ ആശുപത്രിയില്‍ പ്രവേശിപ്പിച്ചത്.