മലപ്പുറം: ബി.ജെ.പിയുടെ നേതൃത്വത്തില്‍ രാജ്യത്ത് മനുസ്മൃതി നടപ്പാക്കാന്‍ നീക്കം നടക്കുന്നതായി സി.പി.ഐ ജനറല്‍ സെക്രട്ടറി എസ് സുധാകര്‍ റെഡ്ഡി. മതത്തിന്റെ പേരില്‍ രാജ്യത്തെ ജനങ്ങളെ ഭിന്നിപ്പിക്കുകയാണ് സംഘ്പരിവാര്‍ നേതൃത്വത്തിലുള്ള കേന്ദ്ര സര്‍ക്കാര്‍ ശ്രമിക്കുന്നത്്. രാജ്യത്തെ സാമ്പത്തികമായി അഭിവൃദ്ധിയിലെത്തിക്കുമെന്ന് പറയുന്ന സര്‍ക്കാറിന്റെ ഭരണകാലത്ത് അഭിവൃദ്ധിപ്പെടുന്നത് അതിസമ്പന്നരും വന്‍കിട കോര്‍പ്പറേറ്റുകളുമാണ്. വര്‍ഗീയ അജണ്ടകള്‍ നടപ്പാക്കി ഭിന്നിപ്പിക്കുകയാണ് കേന്ദ്രസര്‍ക്കാര്‍ നീക്കമെന്നും അദ്ദേഹം പറഞ്ഞു.