ന്യൂഡല്‍ഹി: സി.ബി.എസ്.ഇ പത്ത്, പന്ത്രണ്ട് ക്ലാസുകളിലെ വാര്‍ഷിക പരീക്ഷകള്‍ക്ക് ഇന്ന് തുടക്കം. രാജ്യത്ത് ആകെ 28 ലക്ഷം വിദ്യാര്‍ഥികളാണ് പരീക്ഷയെഴുതുന്നത്. പത്താം ക്ലാസില്‍ 16,38,428 വിദ്യാര്‍ഥികളും പന്ത്രണ്ടാം ക്ലാസില്‍ 11,86,306 പേരുമാണ് പരീക്ഷക്ക് രജിസ്റ്റര്‍ ചെയ്തത്. പരീക്ഷ എഴുതാനായി ഇന്ത്യയില്‍ 4,453 കേന്ദ്രങ്ങളും രാജ്യത്തിന് പുറത്തായി 78 കേന്ദ്രങ്ങളുമാണ് സജ്ജീകരിച്ചിരിക്കുന്നത്.