മോസ്‌കോ: സാധിച്ചിരുന്നെങ്കില്‍ സോവിയറ്റ് യൂനിയന്റെ തകര്‍ച്ച തടയണമെന്ന ആഗ്രഹമുണ്ടായിരുന്നുവെന്ന് റഷ്യന്‍ പ്രസിഡന്റ് വ്‌ള ാദ്മിര്‍ പുടിന്‍. കാലിനിന്‍ഗ്രാഡില്‍ നടന്ന ഒരു ചോദ്യോത്തര സെഷനിലായിരുന്നു റഷ്യന്‍ പ്രസിഡന്റ് തന്റെ ആഗ്രഹം വെളിപ്പെടുത്തിയത്.
റഷ്യയുടെ ചരിത്രത്തിലെ ഏതു സംഭവമാണു താങ്കള്‍ സ്വയം മാറ്റിമറിക്കാന്‍ ആഗ്രഹിക്കുന്നതെന്നായിരുന്നു സദസ്സില്‍നിന്ന് ഉയര്‍ന്ന ചോദ്യം. 1991ലെ യു.എസ്.എസ്.ആര്‍ പതനം തനിക്കു സാധിക്കുമെങ്കില്‍ ഒഴിവാക്കാന്‍ ശ്രമിക്കുമായിരുന്നുവെന്നാണ് പുടിന്‍ മറുപടി പറഞ്ഞത്. രാജ്യത്തെ പൊതുതെരഞ്ഞെടുപ്പ് ഒരാഴ്ച അകലെ നില്‍ക്കെയാണ് പ്രസിഡന്റിന്റെ പ്രസ്താവന പുറത്തുവന്നത്.