ഇരിട്ടി: മാക്കുട്ടത്ത് കാര്‍ നിയന്ത്രണം വിട്ടു കൊക്കയിലേക്കു മറിഞ്ഞ് വീരാജ് പേട്ട സ്വദേശിയായ യാത്രക്കാരന്‍ മരിച്ചു. നാലു പേര്‍ക്കു ഗുരുതരമായി പരുക്കേറ്റു.കാര്‍ യാത്രികനായ വിരാജ് പേട്ട സ്വദേശി മുസ്തഫ (45) ആണ് മരണപ്പെട്ടത്. യാത്രക്കാരായ യൂസഫ്(65), കുഞ്ഞഹമ്മദ് (64), ഇബ്രാഹിം (50), അലി (45) എന്നിവര്‍ക്കാണ് പരുക്കേറ്റത്.  ഇവരെ പരിയാരം മെഡി.കോളജില്‍ പ്രവേശിപ്പിച്ചു.

ഇന്നു രാവിലെ 10 മണിയോടെ മാക്കൂട്ടം കുട്ടപ്പാലം വളവിലാണ് അപകടം. വീരാജ് പേട്ടയില്‍ നിന്നു ഇരിട്ടിയിലേക്ക് വരികയായിരുന്ന കാര്‍ ആണ് അപകടത്തില്‍പ്പെട്ടത്. പരുക്കേറ്റവരെ ഇതുവഴി വന്ന വാഹനയാത്രക്കാര്‍ ഇരിട്ടിയിലെ സ്വകാര്യ ആശുപത്രിയിലെത്തിച്ചെങ്കിലും മുസ്തഫയുടെ ജീവന്‍ രക്ഷിക്കാനായില്ല.