കണ്ണൂര്‍: യൂത്ത് കോണ്‍ഗ്രസ് നേതാവ് ശുഹൈബിനെ വെട്ടിക്കൊന്ന കേസില്‍ രണ്ടു പേര്‍ കൂടി അറസ്റ്റിലായി. സി.ഐ.ടി.യു പ്രവര്‍ത്തകന്‍ ബൈജു, ദീപ്ചന്ദ് എന്നിവരാണ് അറസ്റ്റിലായത്.

കൊലയാളി സംഘത്തിലുണ്ടായിരുന്നയാളാണ് ദീപ്ചന്ദെന്ന് പൊലിസ് അറിയിച്ചു. ഇതോടെ കേസില്‍ അറസ്റ്റിലായവരുടെ എണ്ണം 11 ആയി.

കൊലപാതകത്തിന് ഉപയോഗിച്ച ആയുധങ്ങളും പൊലിസ് കണ്ടെടുത്തിട്ടുണ്ട്. കൊലയ്ക്ക് ശേഷം ആയുധങ്ങള്‍ ഒളിപ്പിച്ചത് ബൈജുവാണെന്ന് പൊലിസ് പറഞ്ഞു.