തിരുവനന്തപുരം: അരിയില്‍ അബ്ദുല്‍ ശുക്കൂറിനെ കൊലപ്പെടുത്തിയതില്‍ പാര്‍ട്ടിക്ക് പങ്കുണ്ടെന്ന് തുറന്നുപറഞ്ഞ എ.എന്‍ ഷംസീര്‍ എം. എല്‍.എയെ അറസ്റ്റ് ചെയ്ത് ചോദ്യം ചെയ്യണമെന്ന് ആവശ്യപ്പെട്ട് എം.എസ്.എഫ് സംസ്ഥാന കമ്മിറ്റി സി.ബി.ഐക്ക് പരാതി നല്‍കി. സി.ബി.ഐ തിരുവനന്തപുരം യൂനിറ്റിലാണ് പരാതി നല്‍കിയത്.

ഷംസീറിന്റെ ചര്‍ച്ചയുടെ വീഡിയോ ദൃശ്യമടങ്ങിയ സി.ഡിയും ഹാജരാക്കി. എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, ജന.സെക്രട്ടറി എം.പി നവാസ്, സംസ്ഥാന ഭാരവാഹികളായ ശരീഫ് വടക്കയില്‍, ഫൈസല്‍ ചെറുകുന്നേന്‍, ഷബീര്‍ ഷാജഹാന്‍, ഹാഷിം ബംബ്രാണി, അംജദ് കൂരിപ്പള്ളി,ഹാമീം മുഹമ്മദ് സംബന്ധിച്ചു.