തിരൂര്‍: ട്രെയിന്‍ തട്ടി ചുമട്ടുതൊഴിലാളിയുടെ കാല്‍പാദമറ്റു. മാര്‍ക്കറ്റിലെ ചുമട്ടുതൊഴിലാളിയായ എസ്.ടി.യു പ്രവര്‍ത്തകന്‍ ചമ്രവട്ടം സ്വദേശി ബാവ(60)യ്ക്കാണ് ട്രെയിനിടിച്ച് പരുക്കേറ്റത്. തിരൂര്‍ മുത്തൂര്‍ ഹിദായത്തുല്‍ മുസ്‌ലിമീന്‍ മദ്‌റസാ പരിസരത്തുവച്ചാണ് അപകടം. ട്രെയിന്‍ ഇടിച്ച് ബാവയുടെ വലതുകാല്‍ അറ്റുപോയി. തലയ്ക്കും സാരമായി പരുക്കേറ്റിട്ടുണ്ട്.
ഇന്നലെ രാവിലെ 11.30ഓടെയായിരുന്നു അപകടം. റെയില്‍വേ ട്രാക്കില്‍ അവശനിലയില്‍ ബാവയെ കണ്ട പ്രദേശവാസികളാണ് തിരൂര്‍ ജില്ലാ ആശുപത്രിയിലെത്തിച്ചത്. പ്രാഥമിക ശുശ്രൂഷ നല്‍കിയതിന് ശേഷം കോഴിക്കോട് മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി.