തിരൂര്‍: അമിതവേഗത്തിലെത്തിയ കാര്‍ കുളത്തിലേക്ക് മറിഞ്ഞ് രണ്ട് പേര്‍ക്ക് പരുക്ക്. ആലത്തിയൂര്‍ ഹനുമാന്‍കാവിന് സമീപത്ത് തിങ്കളാഴ്ച വൈകിട്ട് നാലോടെയായിരുന്നു അപകടം. പരുക്കേറ്റവരെ കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു. തിരുന്നാവായ കൊടക്കല്‍ അജിതപ്പടി സ്വദേശികളായ മഠത്തിലകത്ത് സമീര്‍ (35), വെങ്ങാലിപറമ്പില്‍ ഷറഫുദ്ദീന്‍ (35) എന്നിവര്‍ക്കാണ് പരുക്കേറ്റത്. കുളത്തിലേക്ക് മറിഞ്ഞ കാറില്‍ ഒരാള്‍ കൂടി അകപ്പെട്ടിട്ടുണ്ടെന്ന അഭ്യൂഹത്തെ തുടര്‍ന്ന് ഫയര്‍ഫോഴ്‌സെത്തി പരിശോധന നടത്തി. എന്നാല്‍ കാറില്‍ നിന്ന് മറ്റാരെയും കണ്ടെത്താനായില്ല.