എടപ്പാള്‍: സി.പി.എം-ബി.ജെ.പി സംഘര്‍ഷത്തില്‍ മൂന്ന് പേര്‍ക്ക് പരുക്ക്. എടപ്പാള്‍ പൊല്‍പ്പാക്കരയില്‍ കഴിഞ്ഞ ദിവസം രാത്രിയിലാണ് സംഭവം.
സി.പി.എം പ്രവര്‍ത്തകരായ വൈശാഖ് (20), നിധിന്‍ (19) എന്നിവര്‍ ആദ്യം ആക്രമിക്കപ്പെടുകയായിരുന്നു. ഇതിന് തുടര്‍ച്ചയെന്നോണം പൊല്‍പ്പാക്കര സ്വദേശിയായ ബി.ജെ.പി പ്രവര്‍ത്തകന്‍ നല്ലാണത്തേല്‍ പ്രജീഷ് (34) പിന്നീട് ആക്രമിക്കപ്പെട്ടു.
രാത്രി കടയടച്ച് വീട്ടിലേക്ക് പോകുന്നതിനിടയില്‍ തട്ടാന്‍പടി പൊല്‍പ്പാക്കര റോഡില്‍ വെച്ചാണ് പ്രജീഷിന് നേരെ ആക്രമണം നടന്നത്. വൈശാഖിനേയും നിധിനേയും എടപ്പാള്‍ ഗവ. ആശുപത്രിയിലും പ്രജീഷിനെ എടപ്പാളിലെ സ്വകാര്യ ആശുപത്രിയിലും പ്രവേശിപ്പിച്ചു. പൊന്നാനി പൊലിസ് കേസെടുത്ത് അന്വേഷണം ആരംഭിച്ചു.