കോഴിക്കോട്: എം.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലാ നേതൃത്വ ശില്‍പശാല സംഘടിപ്പിക്കുന്നു. ശനിയാഴ്ച വൈകിട്ടു മൂന്നിന് കോഴിക്കോട് ലീഗ് ഓഫിസില്‍ നടക്കുന്ന ശില്‍പശാല പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. ഡോ. എം.കെ മുനീര്‍ മുഖ്യാതിഥിയാവും.
മണ്ണാര്‍ക്കാട് നിയുക്ത എം.എല്‍.എ അഡ്വ. എന്‍. ഷംസുദ്ദീന്‍ മുഖ്യപ്രഭാഷണം നിര്‍വഹിക്കും. ചടങ്ങില്‍ ബൈത്തുല്‍മാല്‍ പദ്ധതിയുടെ സമര്‍പമരണവും നടക്കും. നേതൃത്വ ശില്‍പശാലയില്‍ നിയോജക മണ്ഡലം ഭാരവാഹികളും ജില്ലാ പ്രവര്‍ത്തക സമിതി അംഗങ്ങളുമാണു പങ്കെടുക്കേണ്ടതെന്ന് എം.എസ്.എഫ് ജില്ലാ പ്രസിഡന്റ് മിസ്ഹബ് കീഴരിയൂര്‍, ജനറല്‍ സെക്രട്ടറി എസ്.എം അബ്ദുല്‍ ബാസിത്ത് വാര്‍ത്താ കുറിപ്പില്‍ അറിയിച്ചു.