ശ്രീനഗര്‍: ദക്ഷിണ കശ്മിര്‍ മേഖലയില്‍ ഉണ്ടായ അക്രമത്തിന്റെ പശ്ചാത്തലത്തില്‍ സൈന്യവും പൊലിസും സുരക്ഷ ശക്തമാക്കി. വാഹന പരിശോധനക്കിടയില്‍ പൊലിസിനു നേരെ ഭീകരര്‍ വെടിയുതിര്‍ത്ത സംഭവത്തിനു പിന്നാലെയുണ്ടായ സൈനിക നടപടിയില്‍ ആറുപേര്‍ കൊല്ലപ്പെട്ടതാണ് അക്രമം വ്യാപിക്കാന്‍ കാരണമായത്. അക്രമം പടരുന്ന സാഹചര്യത്തില്‍ മേഖലയില്‍ കര്‍ഫ്യൂ പ്രഖ്യാപിച്ചിട്ടുണ്ട്. കടകമ്പോളങ്ങളെല്ലാം അടഞ്ഞു കിടന്നതോടെ ദക്ഷിണ കശ്മിര്‍ മേഖല ഒറ്റപ്പെട്ട അവസ്ഥയിലാണ്.