റായ്പൂര്‍: പൊലിസ് നടപടിക്ക് ശക്തമായ തിരിച്ചടിയുമായി മാവോവാദികള്‍. ഇന്നലെ ഒരു റിട്ട. പൊലിസ് കോണ്‍സ്റ്റബിളിനെ വെടിവച്ചുകൊലപ്പെടുത്തിയ സംഘം മൂന്ന് യാത്രാ ബസുകളും അഗ്നിക്കിരയാക്കി. മുന്നാ സോധി എന്ന റിട്ട. പൊലിസ് കോണ്‍സ്റ്റബിളിനെയാണ് മാവോവാദികള്‍ കൊലപ്പെടുത്തിയത്. ബസ്തര്‍ മേഖലയില്‍ മാവോവാദികള്‍ക്കെതിരായ സൈനിക നടപടി ശക്തമാക്കിയ സാഹചര്യത്തിലാണ് ഇതിനെ പ്രതിരോധിക്കുന്നതിന്റെ ഭാഗമായി തിരിച്ചടി തുടങ്ങിയതെന്നാണ് പൊലിസ് സംശയിക്കുന്നത്. അക്രമികളെ കണ്ടെത്തുന്നതിനായി പ്രദേശം വളഞ്ഞ സുരക്ഷാ സേന വ്യാപകമായ തിരച്ചില്‍ തുടങ്ങിയിട്ടുണ്ട്.