തിരുവമ്പാടി: തിരുവമ്പാടി ക്ഷീരോല്‍പാദക സഹകരണ സംഘം തെരെഞ്ഞെടുപ്പിലെ ആകെയുള്ള ഒന്‍പത് സീറ്റും യു.ഡി.എഫ് തൂത്തുവാരി.
ജോസ് സെബാസ്റ്റ്യന്‍ ചേര്‍ക്കാപ്പുഴ, ജോസഫ് മത്തായി പുരയിടത്തില്‍,തോമസ് കെ.പി കുഴിക്കണ്ടത്തില്‍, ബിനു സി കുര്യന്‍ ചാരുപ്പാക്കല്‍, റെജി ചെറിയാന്‍ പുതുപറമ്പില്‍, ബേബി രവി മണിയമ്പറ്റ, മിനി തോമസ് കൂനങ്കിയില്‍, സലീന കെ.എം കോണമണ്ണില്‍, ശാരദ എണ്ണാര്‍ മണ്ണില്‍ എന്നിവരാണ് വിജയിച്ച സ്ഥാനാര്‍ഥികള്‍. പുതിയ അംഗങ്ങള്‍ യോഗം ചേര്‍ന്ന് ബിനു സി. കുര്യന്‍ ചാരു പ്ലാക്കലിനെ പ്രസിഡന്റായി തെരെഞ്ഞെടുത്തു. ക്ഷീരോല്‍പാദക സഹകരണ സംഘം തെരെഞ്ഞെടുപ്പിലെ യു.ഡി.എഫിന്റെ ഉജ്വല വിജയത്തില്‍ ആഹ്ലാദം പ്രകടിപ്പിച്ച് പ്രവര്‍ത്തകര്‍ തിരുവമ്പാടി ടൗണില്‍ ആഹ്ലാദ പ്രകടനം നടത്തി.
ശേഷം നടന്ന അനുമോദന യോഗം ഡി.സി.സി ജനറല്‍ സെക്രട്ടറി ബാബു പൈക്കാട്ടില്‍ ഉദ്ഘാടനം ചെയ്തു.യു.ഡി.എഫ് ചെയര്‍മാന്‍ ടി.ജെ കുര്യാച്ചന്‍ അധ്യക്ഷനായി. മണ്ഡലം പ്രസിഡന്റ് ബോസ് ജേക്കബ്, ഫിലിപ്പ് പാമ്പാറ, ജോര്‍ജ് പാറക്കുന്നേല്‍, മുഹമ്മദ് വട്ടപറമ്പില്‍, കെ.ജെ ബാബു, ഹനീഫ ആച്ചപറമ്പില്‍, രാമചന്ദ്രന്‍ കരിമ്പില്‍, ഗിരീഷ് കുമാര്‍, ബൈജു മാടായി, അബ്രഹാം മണ്ഡപത്തില്‍, വിപിന്‍ കുമാര്‍, സിജോ മാത്യു, ഷാജി അമ്പലപ്പാറ, ജമീഷ് ഇളം തുരുത്തി പ്രസംഗിച്ചു.