മുക്കം: സമസ്ത കൊടിയത്തൂര്‍ പഞ്ചായത്ത് കോഡിനേഷന്‍ കമ്മിറ്റി സംഘടിപ്പിച്ച ഏഴാമത് ചെറുവാടി പ്രഭാഷണം ഇന്ന് സമാപിക്കും. വിശുദ്ധ ഖുര്‍ആനിലെ അല്‍ ഫജ്ര്‍ അധ്യായത്തെ അടിസ്ഥാനമാക്കി മുസ്തഫ ഹുദവി ആക്കോടാണ് പ്രഭാഷണം നടത്തുന്നത്. സമാപന ദിവസമായ ഇന്ന് മജ്‌ലിസുന്നൂറും പ്രാര്‍ഥന സംഗമവും നടക്കും.
സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം വാവാട് കുഞ്ഞി കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. നാലാം ദിവസമായ ഇന്നലത്തെ പരിപാടി കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. കെ.വി അബ്ദുറഹിമാന്‍ അധ്യക്ഷനായി. കെ. മോയിന്‍കുട്ടി മാസ്റ്റര്‍, ടി.എ. ഹുസൈന്‍ ബാഖവി, വി. ഇമ്പിച്ചാലി മുസ്‌ലിയാര്‍, ഷഫീഖ് ഹുദവി തറയിട്ടാല്‍, പി. അബ്ദു റഹ്മാന്‍ ലത്വീഫി, നടുക്കണ്ടി അബൂബക്കര്‍, സി.എ ഷുകൂര്‍ മാസ്റ്റര്‍, അയ്യൂബ് കൂളിമാട്, എ.കെ ഗഫൂര്‍ ഫൈസി, സി.കെ ബീരാന്‍ കുട്ടി, എസ്.എ. നാസര്‍, വൈത്തല അബൂബക്കര്‍, അമ്പലക്കണ്ടി മുഹമ്മദ് ശരീഫ്, കെ. ഗുലാം ഹുസൈന്‍, എ.കെ. അബ്ബാസ് മാസ്റ്റര്‍, സി.എം. നിസാമുദ്ധീന്‍ സംസാരിച്ചു. പുത്തലത്ത് മൊയ്തീന്‍ സ്വാഗതവും കൊന്നാലത്ത് മമ്മദ് നന്ദിയും പറഞ്ഞു.