നടവയല്‍: നെയ്ക്കുപ്പ കക്കോടന്‍ ബ്ലോക്കില്‍ കാട്ടാനകള്‍ കൃഷി നശിപ്പിച്ചു. കാട്ടാന കുത്തിമറിച്ച തെങ്ങുകളില്‍ ഒന്ന് വൈദ്യത ലൈനിനും മറ്റൊന്നു വീടിനും മുകളില്‍ പതിച്ചു. നിരവധി കമുകും നശിച്ചു. കഴിഞ്ഞ രാത്രിയാണ് ആനക്കൂട്ടം കൃഷിയിടങ്ങളില്‍ മേഞ്ഞത്.
ഞ്ഞറളക്കാട്ട് ചാക്കോയുടെ വീടിന്റെ ഭാഗമാണ് തെങ്ങുവീണ് തകര്‍ന്നത്. വനാതിര്‍ത്തിയിലെ വൈദ്യുത വേലി തകര്‍ന്നതാണ് ആനകള്‍ക്ക് കൃഷിയിടത്തിലിറങ്ങാന്‍ സൗകര്യമായതെന്ന് കര്‍ഷകര്‍ പറഞ്ഞു. കൃഷി നശിച്ചവര്‍ക്ക് മതിയായ നഷ്ടപരിഹാരം നല്‍കണമെന്നും വൈദ്യുത വേലിയുടെ അറ്റകുറ്റപ്പണി ഉടന്‍ നടത്തണമെന്നും അവര്‍ ആവശ്യപ്പെട്ടു.