തളിപ്പറമ്പ്: ചവനപ്പുഴ കൃഷ്ണന്‍ നമ്പ്യാര്‍ സ്മാരക ഗവ.എല്‍.പി സ്‌കൂളില്‍ ഇത്തവണ നവാഗതരായെത്തിയത് നാലു കുട്ടികള്‍. നാലു പേരെ എത്തിയുള്ളൂവെങ്കിലും പ്രവേശനോത്സവം ആഘോഷപൂര്‍വം തന്നെ നടത്തി കുരുന്നുകളെ അധികൃതര്‍ വരവേറ്റു. 100 വര്‍ഷത്തിലേറെ ചരിത്രമുള്ള സ്‌കൂള്‍ ഇന്ന് അടച്ചുപൂട്ടല്‍ ഭീഷണിയിലാണ്. കഴിഞ്ഞ വര്‍ഷം നാല് ക്ലാസുകളിലായി 39 കുട്ടികള്‍ ഉണ്ടായിരുന്നത് 33 ആയി ചുരുങ്ങി. ഒന്നാം ക്ലാസില്‍ എട്ടു കുട്ടികളുണ്ടായിരുന്നത് ഇത്തവണ നാലായി കുറഞ്ഞു. പ്രവേശനോത്സവം കുറുമാത്തൂര്‍ ഗ്രാമപഞ്ചായത്ത് മെമ്പര്‍ പി ലക്ഷ്മണന്‍ ഉദ്ഘാടനം ചെയ്തു.