കിഴിശ്ശേരി: പി.കെ ബഷീര്‍ എം.എല്‍.എയുടെ പ്രത്യേകവികസന ഫണ്ടില്‍നിന്നു കുഴിയംപറമ്പ് ജി.എല്‍.പി സ്‌കൂളിന് ലഭിച്ച നാല് കംപ്യൂട്ടറുകളുടെ ഉദ്ഘാടനം കുഴിമണ്ണ പഞ്ചായത്ത് പ്രസിഡന്റ് ബാലത്തില്‍ ബാപ്പു നിര്‍വഹിച്ചു. പി.ടി.എ പ്രസിഡന്റ് ബാവ വിസപ്പടി അധ്യക്ഷനായി.
കുഴിയംപറമ്പ് വാര്‍ത്തകള്‍ വാട്ട്‌സ് ആപ്പ് ഗ്രൂപ്പിന്റെ കഴിഞ്ഞ വര്‍ഷത്തെ എല്‍.എസ്.എസ് വിജയികള്‍ക്കുള്ള അവാര്‍ഡുകളും മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികള്‍ക്കുള്ള പി.ടി.എ കമ്മിറ്റിയുടെ അവാര്‍ഡുകളും പഞ്ചായത്ത് പ്രസിഡന്റും വിദ്യാഭ്യാസ സ്ഥിരസമിതി ചെയര്‍മാന്‍ പുളിക്കല്‍ മുഹമ്മദും എന്നിവര്‍ വിതരണം ചെയ്തു. പ്രധാനാധ്യാപിക ജോണി തോമസ്, റസാഖ് ഹാജി, പി.കെ വീരാന്‍ കുട്ടി, ടി. കബീര്‍, കെ.ടി ഉസ്മാന്‍, പി.സി മജീദ്, മണ്ണാറക്കല്‍ ഉസ്മാന്‍, ടി.പി മുഹമ്മദിശ, ഹുസൈന്‍ മാസ്റ്റര്‍ സംസാരിച്ചു.