മലപ്പുറം: മേല്‍മുറി അധികാരത്തൊടി ജി.എം.യു.പി സ്‌കൂള്‍ നവതി ആഘോഷവും യാത്രയയപ്പ് സമ്മേളനവും സമാപിച്ചു. സമാപന സമ്മേളനം പി. ഉബൈദുല്ല എം.എല്‍.എ ഉദ്ഘാടനം ചെയ്തു. മലപ്പുറം നഗരസഭ ചെയര്‍പേഴ്‌സണ്‍ സി.എച്ച് ജമീല അധ്യക്ഷായി. ഈ വര്‍ഷം സര്‍വിസില്‍നിന്നു വിരമിക്കുന്ന വിമലകുമാരി ടീച്ചര്‍ക്ക് യാത്രയയപ്പ് നല്‍കി. 'നവതി സ്മൃതികള്‍' സുവനീര്‍ പ്രകാശനം മലപ്പുറം ഡി.ഡി.ഇ സി.ഐ വത്സല നിര്‍വഹിച്ചു. സമ്മേളനത്തിന്റെ ഭാഗമായി നടന്ന ഗുരുവന്ദനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. മുന്‍ പ്രധാനാധ്യാപകന്‍ കുഞ്ഞി മുഹമ്മദ് മാസ്റ്റര്‍ കപ്പൂര്‍ അധ്യക്ഷനായി.
വിദ്യാഭ്യാസ സെമിനാര്‍ മലപ്പുറം അസി. കലക്ടര്‍ അരുണ്‍ കെ. വിജയന്‍ ഉദ്ഘാടനം ചെയ്തു. പി.ടി.എ പ്രസിഡന്റ് അബ്ദുല്‍ ഹമീദ് കൂത്രാടന്‍ അധ്യക്ഷനായി.
പാലിയേറ്റീവ് പ്രവര്‍ത്തനങ്ങളില്‍ അമ്മമാരുടെ പങ്കാളിത്തം ഉറപ്പുവരുത്താന്‍ സംഘടിപ്പിച്ച 'മേല്‍മുറി മക്കാനി' നഗരസഭാ സി.ഡി.എസ് പ്രസിഡന്റ് പി. ഖദീജ ഉദ്ഘാടനം ചെയ്തു. എം.ടി.എ പ്രസിഡന്റ് അസ്മ പറമ്പന്‍ അധ്യക്ഷയായി. ഈ പദ്ധതിയില്‍നിന്നു ലഭിച്ച 16,000 രൂപ മലപ്പുറം പാലിയേറ്റീവ് ക്ലിനിക്കിന് കൈമാറി.