പെരിന്തല്‍മണ്ണ: പുലാമന്തോള്‍ ടൗണിലെ കടയില്‍ രാത്രിയില്‍ കവര്‍ച്ച നടത്തി പണവും മറ്റും മോഷ്ട്ടിച്ചയാള്‍ പിടിയിലായി. ചെറുകര പൂളിങ്കാവ് പള്ളത്തൊടി അബ്ദുല്‍ മുജീബാ (33) ണ് പിടിയിലായത്. കഴിഞ്ഞ മാസം ആറിനാണ് കേസിനാസ്പദമായ സംഭവം.
ടൗണിലെ പലചരക്കു കടയുടെ പൂട്ടുപൊളിച്ച് അകത്തുകടന്ന പ്രതി ഒരു ലക്ഷത്തോളം രൂപ കവര്‍ന്നിരുന്നു. സി.സി.ടി.വി ദൃശ്യങ്ങളില്‍നിന്നു വിവരങ്ങള്‍ ശേഖരിച്ച പൊലിസ്, ഇയാളെ കൂടുതല്‍ ചോദ്യം ചെയ്തപ്പോള്‍ ൗണില്‍ പെരിന്തല്‍മണ്ണ റോഡിലുള്ള മറ്റൊരു കടയിലും മോഷണം നടത്തിയതായി സമ്മതിച്ചിട്ടുണ്ട്. രാത്രിയില്‍ വീടുകളുടെ പുറത്ത് ഉണക്കാനിടുന്ന പര്‍ദ ധരിച്ചാണ് മോഷണം. ഇയാളുടെ പേരില്‍ മോഷണം, കഞ്ചാവ്, അടിപിടി തുടങ്ങി വിവിധ കേസുകള്‍ പെരിന്തല്‍മണ്ണ സ്റ്റേഷനില്‍ നിലവിലുണ്ട്.
സി.ഐ ടി.എസ് ബിനു മൂത്തേടം, എസ്.ഐ വി.കെ ഖമറുദ്ദീന്‍ എന്നിവരുടെ നേതൃത്വത്തില്‍ ഉദ്യോഗസ്ഥരായ സി.പി മുരളീധരന്‍, പി.എന്‍ മോഹനകൃഷ്ണന്‍, എന്‍.ടി കൃഷ്ണകുമാര്‍, എം. മനോജ്കുമാര്‍, സലീന, ജയമണി, അനീഷ്, അജീഷ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്ത്. ഇയാളെ പെരിന്തല്‍മണ്ണയിലെ കോടതിയില്‍ ഹാജരാക്കി.