മാണിയൂര്‍: ഇരുലോക വിജയത്തിനായി പ്രവാചകന്മാരും സച്ചരിതരായ അനുചരന്മാരും പണ്ഡിത നേതൃത്വവും പഠിപ്പിച്ചുതന്ന പാത പിന്തുടരാന്‍ മുസ്‌ലിം സമൂഹം മുന്നോട്ടുവരണമെന്ന് സയ്യിദ് സഫ്‌വാന്‍ തങ്ങള്‍.
മാണിയൂര്‍ പാറാല്‍ പള്ളി മഖാം ഉറൂസ് ദിക്‌റ് ദുആ സദസില്‍ സംസാരിക്കുകയായിരുന്നു അദ്ദേഹം. ഇന്ന് നടക്കുന്ന ആത്മീയ സംഗമങ്ങള്‍ അതിന്റെ തനിമ നിലനിത്തിക്കൊണ്ടുവരാന്‍ സമൂഹം തയാറാകണമെന്നും തങ്ങള്‍ പറഞ്ഞു.
ബുസ്താനുല്‍ ഉലൂം ജനറല്‍ സെക്രട്ടറി സി.കെ.കെ മാണിയൂര്‍ അധ്യക്ഷനായി. ജംഷീദ് ബാഖവി ഹൈതമി പ്രഭാഷണം നടത്തി. ഇബ്‌റാഹിം എടവച്ചാല്‍, ഇസ്മാഈല്‍ ഹാജി പടന്നോട്ട്, സി.കെ അബ്ദുറഹ്മാന്‍ ഹാജി, ടി.പി ഖാദര്‍ കുട്ടി, കെ.വി അബ്ദുല്‍ അസീസ് മൗലവി സംബന്ധിച്ചു. ഇന്ന് ഖതമുല്‍ ഖുര്‍ആന്‍ സദസിന് മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും.