പയ്യന്നൂര്‍: ത്രിപുരയില്‍ ബി.ജെ.പിയുടെ വിജയം സി.പി.എമ്മിന്റെ അടിത്തറ തകര്‍ന്നതുകൊണ്ടല്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. പി. കണ്ണന്‍ നായര്‍ അനുസ്മരണത്തോടനുബന്ധിച്ച് പയ്യന്നൂര്‍ ഗാന്ധി പാര്‍ക്കില്‍ സംഘടിപ്പിച്ച പരിപാടിയില്‍ സംസാരിക്കുകയായിരുന്നു കോടിയേരി. ഇലക്ഷന്‍ കമ്മിഷനുമായി നടത്തിയ ഒത്തുകളിയുടെയും ഇലക്ട്രോണിക് വോട്ടിങ് യന്ത്രത്തില്‍ കൃത്രിമം കാട്ടിയും കേന്ദ്ര ഭരണത്തിന്റെ സ്വാധീനം പ്രയോഗിച്ച് പണം ഒഴുക്കിയും നേടിയതാണ് വിജയം. ഒരു തെരഞ്ഞെടുപ്പില്‍ തോറ്റതു കൊണ്ട് സി.പി.എമ്മിനെയോ ഇടത പക്ഷത്തെയോ എഴുതിതള്ളാനാവില്ലെന്നും കോടിയേരി പറഞ്ഞു. ടി.ഐ മധുസൂദനന്‍ അധ്യക്ഷനായി.