രാജപുരം: വസന്തോത്സവത്തിന്റെ വരവറിയിച്ച് നാടെങ്ങും പൂരപ്പൂവുകള്‍ വിരിഞ്ഞു. ഇനി വടക്കന്‍ കേരളത്തില്‍ പൂരക്കളിയുടെയും മറത്തുകളിയുടെയും കാലം.
കത്തുന്ന വേനലിലും പൂരപ്പൂക്കളില്‍ പ്രധാന്യമേറിയ നരയന്‍ പൂക്കളുടെ ദൃശ്യസമൃദ്ധി കണ്‍കുളിര്‍ക്കുന്ന കാഴ്ചയാണ്. എരിക്കിന്‍പൂ, മുരിക്കിന്‍പൂ, അതിരാണിപൂ, വയറപ്പൂവ്, ചെമ്പകപ്പൂവ്, പാലപ്പൂവ്, ആലോത്തിന്‍പൂ എന്നിവയാണ് പൂരപ്പൂക്കള്‍.
ശക്തിയും സൗന്ദര്യവും സമ്മേളിക്കുന്ന നാടന്‍ കലാരൂപമായ പൂരക്കളിയുടെ പരിശീലനവും ഇതോടൊപ്പം കാവുകളില്‍ നടക്കുന്നു.
വേദാന്തം, വ്യാകരണം, നാട്യം, പുരാണം, കാവ്യം, നാടകം, ശില്‍പകല, അലങ്കാരം, മീംമാംസ തുടങ്ങി നിരവധി വിജ്ഞാനശാഖകള്‍ മറത്തുകളിയിലൂടെയും ഗ്രാമീണര്‍ക്കിടയിലേക്ക് പകര്‍ന്ന് നല്‍കുന്നു.
മീനമാസത്തിലെ കാര്‍ത്തികനാളിലാണ് ഈ വര്‍ഷത്തെ പൂരോത്സവം തുടങ്ങുന്നത്.