ന്യൂഡല്‍ഹി: ഗൗതം ഗംഭീറിനെ ഡല്‍ഹി ഡയര്‍ഡെവിള്‍സിന്റെ ക്യാപ്റ്റനായി നിയമിച്ചു. ഐ.പി.എല്‍ പതിനൊന്നാം അധ്യായത്തില്‍ ഡല്‍ഹി ഗംഭീറിന്റെ നായകത്വത്തിലാണ് കളിക്കാനിറങ്ങുക. പ്രഥമ ഐ.പി.എല്ലില്‍ ഡല്‍ഹി താരമായിരുന്ന ഗംഭീറിനെ പിന്നീട് കൊല്‍ക്കത്ത നൈറ്റ് റൈഡേഴ്‌സ് പാളയത്തിലെത്തിക്കുകയും നായകനാക്കുകയുമായിരുന്നു. ഗംഭീറിന്റെ കീഴില്‍ രണ്ട് തവണ കൊല്‍ക്കത്ത ഐ.പി.എല്‍ കിരീടമുയര്‍ത്തി. ഇത്തവണ അടിസ്ഥാന വിലയായ 2.8 കോടി രൂപയ്ക്കാണ് ഡല്‍ഹി ഗംഭീറിനെ പാളയത്തിലെത്തിച്ചത്. ഐ.പി.എല്ലിന്റെ പത്ത് സീസണിലും കാര്യമായ ചലനങ്ങളൊന്നും സൃഷ്ടിക്കാന്‍ സാധിക്കാത്ത ഡല്‍ഹി ഇത്തവണ കിരീട നേട്ടമാണ് സ്വപ്‌നം കാണുന്നത്.