സഹാറന്‍പൂര്‍:  സ്വാതന്ത്രം നേടി രണ്ടു പതിറ്റാണ്ടു പിന്നിട്ടിട്ടും ജാതിഭ്രാന്തില്‍ നിന്ന് മോചനമില്ലാതെ ഇന്ത്യ. പ്രധാനമന്ത്രി നരേന്ദ്ര മോദിയുടെ ഇഷ്ടക്കാരനായ യോഗി ആദിത്യനാഥിന്റെ ഉത്തര്‍പ്രദേശില്‍ ജാതി വിവേചനം അതിന്റെ പാരമ്യത്തില്‍ തന്നെയാണെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഇവിടെ സ്‌കൂളുകളില്‍ പ്രൈമറി ക്ലാസ് വിദ്യാര്‍ഥികള്‍ പോലും വിവേചനത്തിന്റെ ഇരകളാണെന്നാണ് റിപ്പോര്‍ട്ടുകള്‍ പറയുന്നത്.

സ്‌കൂളുകളിലെ ശുചിമുറികളുള്‍പെടെയുള്ളവ വൃത്തിയാക്കേണ്ട ചുമതല താഴ്ന്ന ജാതിയില്‍ പെട്ട വിദ്യാര്‍ഥികള്‍ക്കുള്ളതാണ്. സഹാറന്‍പൂരിലെ ബാലിയഖേദി ഗ്രമത്തിലെ ഒരു സ്‌കൂള്‍ പ്രിന്‍സിപ്പലായ ബ്രിജേഷ് ദേവി പറഞ്ഞതായി ന്യസ് 18 റിപ്പോര്‍ട്ട് ചെയ്തതാണിത്. സംസ്ഥാനത്തെ താഴ്ന്ന ജാതിയില്‍ പെട്ട വിരലിലെണ്ണാവുന്ന പ്രിന്‍സിപ്പല്‍മാരില്‍ ഒരാളാണ് പ്രിജേഷ്.

ഉയര്‍ന്ന ജാതിയിലെ കുട്ടികള്‍ ഒമ്പതുമണിക്ക് സ്‌കൂളിലെത്തുമ്പോള്‍ മറ്റുള്ളവര്‍ നേരത്തെയെത്തുന്നു. സ്‌കൂള്‍ വൃത്തിയാക്കേണ്ട ചുമതല അവര്‍ക്കാണ്. സ്‌കൂള്‍ വിടുമ്പോഴും ഉയര്‍ന്ന ജാതിയിലെ കുട്ടികള്‍ പോയതിനു ശേഷം മാത്രമേ മറ്റുള്ളവര്‍ക്കു പോവാന്‍ പാടുള്ളു. സ്‌കൂളുകളിലെ ഭക്ഷണം ഉണ്ടാക്കുന്നതു പോലും ജാതി തിരിച്ചാണ്.

 എന്നാല്‍ വിദ്യാര്‍ഥികള്‍ക്കും മറ്റുള്ളവര്‍ക്കും ഇതവരുടെ ജീവിത രീതി തന്നെയാണെന്നും റിപ്പോര്‍ട്ടില്‍ പറയുന്നു.