കൊല്ലം: കൊല്ലം എസ്.എന്‍ കോളജില്‍ എസ്.എഫ്.ഐ -എ.ബി.വി.പി സംഘര്‍ഷത്തില്‍ പരുക്കേറ്റതിനെ തുടര്‍ന്ന് പരാതിയുമായി ഈസ്റ്റ് പൊലിസ് സ്‌റ്റേഷനിലെത്തിയ എ.ബി.വി.പി പ്രവര്‍ത്തകനെ എസ്.എഫ്.ഐക്കാര്‍ മര്‍ദ്ദിച്ചു. തടയാനെത്തിയ ഈസ്റ്റ് എസ്.ഐ പ്രശാന്തിന്റെ കയ്യൊടിഞ്ഞു. ഇന്നു രാവിലെ 11 ഓടൊയിരുന്നു സംഭവം.

കോളജില്‍വച്ച് എസ്.എഫ്.ഐക്കാര്‍ മര്‍ദ്ദിച്ചെന്ന പരാതിയുമായാണ് മൂന്നു എ.ബി.വി.പി പ്രവര്‍ത്തകര്‍ ഈസ്റ്റ് പൊലിസ് സ്‌റ്റേഷനിലെത്തിത്. സ്‌റ്റേഷന്റെ വളപ്പലിരുന്നു പരാതിയെഴുതിയ എ.ബി.വി.പിക്കാരെ അതിക്രമിച്ചെത്തിയ ഒരുസംഘം എസ്.എഫ്.ഐക്കാര്‍ അക്രമിക്കുകയായിരുന്നു. ഇതിനിടെയാണ് മര്‍ദ്ദനം തടയാനെത്തിയ എസ്.ഐ പ്രശാന്തിന്റെ കൈക്ക് പരുക്കേറ്റത്. എല്ലിന് പൊട്ടലുണ്ടായതിനെ തുടര്‍ന്ന് ഇദ്ദേഹത്തിന്റെ കൈ പ്ലാസ്റ്ററിട്ടിരിക്കുകയാണ്. പരുക്കേറ്റ എ.ബി.വി.പി പ്രവര്‍ത്തകന്‍ അജിത് ജില്ലാ ആശുപത്രിയില്‍ ചികില്‍സതേടി.