കുപ്‌വാര: ജമ്മു കശ്മീരില്‍ വീണ്ടും സൈനികന്‍ ആത്മഹത്യ ചെയ്തു. ജമ്മു കശ്മീരിലെ കുപ്‌വാര ജില്ലയിലാണ് സംഭവം. രാജസ്ഥാന്‍ സ്വദേശിയായ ശിപായി ശങ്കര്‍ സിങ് (31) ആണ് ആത്മഹത്യ ചെയ്തത്. തന്റെ സര്‍വീസ് റൈഫിളില്‍ നിന്ന് വെടിയുതിര്‍ത്താണ് ഇയാള്‍ ആത്മഹത്യ ചെയ്തിരിക്കുന്നത്. വാര്‍ണോ ഏരിയയിലെ ക്യാംപില്‍ വച്ചാണ് ആത്മഹത്യ ചെയ്തിരിക്കുന്നത്. 18ാം രാഷ്ട്രീയ റൈഫിളിലെ അംഗമാണിദ്ദേഹം.

ആത്മഹത്യയ്ക്ക് കാരണമെന്താണെന്ന് അറിവായിട്ടില്ല. ഇതിനെ കുറിച്ച് അന്വേഷിക്കുന്നുണ്ടെന്ന് സൈനിക വൃത്തങ്ങള്‍ അറിയിച്ചു. ഒരാഴ്ചയ്ക്കിടെ ഇത് രണ്ടാമത്തെ സൈനികനാണ് ജമ്മുകശ്മീരില്‍ ആത്മഹത്യ ചെയ്യുന്നത്. കഴിഞ്ഞ ബുധനാഴ്ചയും മറ്റൊരു സൈനികന്‍ ആത്മഹത്യ ചെയ്തിരുന്നു. കുപ്‌വാര ജില്ലയിലെ രാഷ്ട്രീയ റൈഫിളിലെ അംഗമായ ശിപായി ബിരേന്ദര്‍ സിന്‍ഹയാണ് ആത്മഹത്യ ചെയ്തത്. ഇദ്ദേഹവും സര്‍വീസ് റൈഫിള്‍ കൊണ്ട് സ്വയം വെടിയുതിര്‍ക്കുകയായിരുന്നു.