ചാലക്കുടി: അഞ്ചുവയസുകാരിയായ മകളെ പീഡിപ്പിച്ച കേസ്സില്‍ പിതാവിനെ ചാലക്കുടി പൊലിസ് അറസ്റ്റ് ചെയ്തു. കോഴിക്കോട് മാവൂര്‍ സ്വദേശി തേവരിക്കല്‍കുണ്ടി വീട്ടില്‍ പ്രതീപ്(39)ആണ് അറസ്റ്റിലായത്. മേഴ്‌സി ഹോമിലെ അന്തേവാസിയായ കുട്ടിയെ ആഴ്ചയിലൊരിക്കല്‍ ചാലക്കുടി ഐ.വിഷന് സമീപമുള്ള വാടവീട്ടിലേക്ക് കൂട്ടികൊണ്ടുപോയി പലതവണ പീഡിപ്പിച്ചതായി കുട്ടി മൊഴി നല്‍കി.
ദേഹാസ്വസ്ഥ്യം അനുഭവപ്പെട്ടതിനെ തുടര്‍ന്ന് തൃശൂര്‍ മെഡിക്കല്‍ കോളജില്‍ പ്രവേശിപ്പിച്ച വിവരം ലഭിച്ചതിനെ തുടര്‍ന്ന് ചാലക്കുടി പൊലിസെത്തി മൊഴിയെടുത്തു. തുടര്‍ന്നായിരുന്നു അറസ്റ്റ്. പ്രതിയെ കോടതിയില്‍ ഹാജരാക്കി.