പാല്‍ഘര്‍(മഹാരാഷ്ട്ര): മഹാരാഷ്ട്രയില്‍ സ്വകാര്യ കെമിക്കല്‍ ഫാക്ടറിയില്‍ സ്‌ഫോടനവും തീപിടുത്തവും. സ്‌ഫോടനത്തില്‍ മൂന്നു പേര്‍ കൊല്ലപ്പെട്ടു.   13 പേര്‍ക്ക് പരുക്കേറ്റു.

മുംബൈയില്‍ നിന്ന് 150 കിലോമീറ്റര്‍ അകലെയുള്ള പാല്‍ഘറിലാണ് തീപിടുത്തമുണ്ടായത്. അതിശക്തമായ സ്‌ഫോടനമാണുണ്ടായതെന്ന് റിപ്പോര്‍ട്ടുകള്‍ പറയുന്നു. വ്യാഴാഴ്ച രാത്രിയായിരുന്നു അപകടം. കിലോമീറ്ററുകള്‍ അകലെ വരെ ഇതിന്റെ ശബ്ദം കേട്ടിരുന്നു. സമീപത്തെ വീടുകളും കെട്ടിടങ്ങളും കുലുങ്ങുകയും ചെയ്തു.

സ്‌ഫോടന കാരണം വ്യക്തമല്ല.