തിരുവനന്തപുരം: റോയല്‍ റോട്ടറി ഇന്റര്‍നാഷനലിന്റെ ഏറ്റവും മികച്ച മന്ത്രിക്കുള്ള റോട്ടറി ഇന്റര്‍നാഷനല്‍ എക്‌സലന്‍സ് അവാര്‍ഡ് ആരോഗ്യ, സാമൂഹ്യനീതി വകുപ്പ് മന്ത്രി കെ.കെ. ശൈലജ നിയമസഭാ സ്പീക്കര്‍ പി. ശ്രീരാമകൃഷ്ണന്‍ സമ്മാനിച്ചു.
റോയല്‍ റോട്ടറി ഇന്റര്‍നാഷനലും കൈരളി വി. ചാനലും സംയുക്തമായാണ് അവാര്‍ഡ് ഏര്‍പ്പെടുത്തിയത്. തമിഴ്‌നാട്ടില്‍ നിന്നുള്ള ചന്ദ്രപ്രഭയാണ് എറ്റവും മികച്ച വനിതാ എം.എല്‍.എ. പുരുഷ വിഭാഗത്തിലെ ഏറ്റവും മികച്ച എം.എല്‍.എ.യായി വി.പി. സജീന്ദ്രന്‍, യൂത്ത് ഐക്കണായ യുവജന കമ്മിഷന്‍ ചെയര്‍പേഴ്‌സണ്‍ ചിന്ത ജെറോം, വിമണ്‍ മീഡിയ ഐക്കണായ ബെറ്റി ലൂയിസ് ബേബി എന്നിവര്‍ക്കും അവാര്‍ഡ് സമ്മാനിച്ചു.റോട്ടറി ക്ലബ് ഓഫ് ട്രിവാന്‍ട്രം റോയല്‍ ഇതോടൊപ്പം വനിതാദിനവും ആചരിച്ചു.
സ്പീക്കര്‍ ഉദ്ഘാടനം നിര്‍വഹിച്ച ചടങ്ങില്‍ തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍, ശാന്തിഗിരി ആശ്രമം ഓര്‍ഗനൈസിങ് സെക്രട്ടറി ഗുരുരത്‌നം ജ്ഞാന തപസ്വിനി, ക്ലബ് സെക്രട്ടറി ഡോ.ജെ മോസസ് പങ്കെടുത്തു.