തിരുവനന്തപുരം: ദക്ഷിണ കേരളത്തിലെ ഏറ്റവും വലിയ ഹജ്ജ് ക്യാംപിന് നെടുമങ്ങാട് ഇന്ന് സാക്ഷിയാകും. രാവിലെ ഒമ്പതിന് ചുള്ളിമാനൂര്‍ സാഫ് ഓഡിറ്റോറിയത്തില്‍  സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി  ആലിക്കുട്ടി മുസ്‌ലിയാര്‍ ക്യാംപ് ഉദ്ഘാടനം ചെയ്യും.
മുന്‍കേന്ദ്ര ഹജ്ജ് കമ്മിറ്റി അംഗവും പ്രഗത്ഭ പ്രഭാഷകനും ഹജ്ജ് ട്രെയിനറുമായ അബ്ദുസമദ് പൂക്കോട്ടൂര്‍ ക്ലാസ് നടത്തും. എം.എസ്.താഹ അധ്യക്ഷനാകും. സഈദ്  മുസ്‌ലിയാര്‍ വിഴിഞ്ഞം, സവാദ് ഫൈസി, അബ്ദുല്‍ കബീര്‍ ദാരിമി, സൈഫുദ്ദീന്‍ ബാഖവി, അഹമ്മദ് റഷാദി ചുള്ളിമാനൂര്‍ എന്നിവര്‍ പ്രസംഗിക്കും. ഉച്ചക്ക് നടക്കുന്ന രണ്ടാം സെക്ഷന്‍ ഹജ്ജിന്റെ മുന്നൊരുക്കം എന്ന വിഷയത്തില്‍ പഠനവേദി ഒരുക്കും. തുടര്‍ന്ന് നടക്കുന്ന യാത്രയയപ്പ് ദുആ സമ്മേളനത്തില്‍ ചടയമംഗലം ഷഹീറുദ്ദീന്‍ മന്നാനി മുഖ്യപ്രഭാഷണം നടത്തും, പഴവിള ജലീല്‍ നന്ദി രേഖപ്പെടുത്തും. സമാപന പ്രാര്‍ഥനക്ക് അബ്ദുസമദ് പൂക്കോട്ടൂര്‍ നേതൃത്വം വഹിക്കും.
രജിസ്‌ട്രേഷന്  9846637145,  8129382468, 9745847847.