കൊച്ചി: മാനേജ്‌മെന്റ് രംഗത്ത് സാമൂഹ്യ പ്രതിബദ്ധത പ്രധാന ഘടകമാണെന്ന് ഡല്‍ഹി മെട്രോ റെയില്‍ കോര്‍പ്പറേഷന്‍ മുഖ്യ ഉപദേഷ്ടാവ് ഡോ.ഇ. ശ്രീധരന്‍.
കേരള മാനേജ്‌മെന്റ് അസോസിയേഷന്‍ വജ്ര ജൂബിലി ആഘോഷങ്ങളുടെ സമാപന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. അവസരങ്ങള്‍ വെല്ലുവിളികളായി ഏറ്റെടുക്കാന്‍ ഏതു സാഹചര്യത്തിലും മാനേജ്‌മെന്റ് പ്രതിനിധികള്‍ക്ക് കഴിയണമെന്ന് ചടങ്ങില്‍ വിശിഷ്ടാതിഥിയായി പങ്കെടുത്ത കേന്ദ്ര ടെലികോം കമ്മീഷന്‍ അധ്യക്ഷ അരുണാ സുന്ദര്‍രാജ് പറഞ്ഞു. കെ.എം എ പ്രസിഡന്റ് വിവേക് കൃഷ്ണ ഗോവിന്ദ് അധ്യക്ഷത വഹിച്ചു. മാത്യു ഉറുമ്പത്ത്, എസ്. രാജ്‌മോഹന്‍ നായര്‍, എസ്. ആര്‍ നായര്‍, ദിനേശ് തമ്പി എന്നിവര്‍ പ്രസംഗിച്ചു.