കൊച്ചി: എറണാകുളം മുന്‍ കലക്ടറെ കണ്ട് കച്ചേരിപ്പടി മേഴ്‌സി ഹോമിലെ അമ്മമാര്‍ അത്ഭുതപ്പെട്ടു. സെന്റര്‍ ഫോര്‍ എംപവര്‍മെന്റ് ആന്‍ഡ് എന്റിച്‌മെന്റി ( സിഫി) ന്റെ വനിതാ ദിനാഘോഷത്തിന് പങ്കെടുക്കാനാണ് മുന്‍ കലക്ടര്‍ എം.ജി രാജമാണിക്കം കച്ചേരിപ്പടി മേഴ്‌സി ഹോമിലെത്തിയത്. പ്രാര്‍ഥനയോടെ തുടങ്ങിയ ചടങ്ങില്‍ മുതിര്‍ന്ന അന്തേവാസിയായ അസ്‌റ്റൈലിന്‍ അമ്മച്ചിക്ക് കേക്ക് മുറിച്ചു മധുരം നല്‍കി ആഘോഷങ്ങള്‍ക്കു തുടക്കമേകി.
അമ്മച്ചിയെ പൊന്നാടയണിയിച്ചപ്പോള്‍ ഏറെ സന്തോഷമായി. തുടര്‍ന്ന് എല്ലാ അമ്മമാര്‍ക്കും പുതുവസ്ത്രം വിതരണം ചെയ്തു. പുതുവസ്തം വിതരണത്തിനായി ഓരോരുത്തരുടെയും അടുത്തെത്തിയ പഴയ കലക്ടറെ വലിയ സന്തോഷത്തോടെയാണ് ഓരോരുത്തരും അഭിവാദ്യം ചെയ്തത്.
കിടപ്പു രോഗിയയായ ഏലികുട്ടിയുടെ അടുത്തെത്തിയപ്പോള്‍ ഒരു പാട്ടു പാടി കേള്‍പ്പിക്കട്ടെ എന്നായി.കണ്ണുകാണാത്ത അഗന്‌സ് അമ്മച്ചിയുടെ അടുത്ത് താന്‍ രാജമാണികം ആണെന്ന് പറഞ്ഞപ്പോ എന്റെ കൂടെ നാലാം ക്ലാസ്സില്‍ ഉണ്ടായിരുന്നില്ലേ എന്ന് ആഗ്‌നസ് അമ്മച്ചിയുടെ മറു ചോദ്യം .അതിനു മറുപടിയായി രാജ്മണികം പറഞ്ഞത് ഇങ്ങനെ .
ഇല്ല , മൂന്നാം ക്ലാസ്സില്‍ ആണ് താന്‍ ആഗ്‌നസിന്റെ കൂടെ പഠിച്ചത് എന്ന്. അമ്മച്ചി ഒട്ടും വിട്ടില്ല .എന്നാല്‍ പണ്ട് പാടിയ പാട്ടു രാജമാണികം ഒന്ന് പാടണമെന്നായി. ഐ.ടി ഇന്‍ഫ്രാസ്ട്രക്ചര്‍ ഡയറക്ടറായ എം.ജി രാജമാണിക്കം ഒട്ടും മടിയില്ലാതെ 'എന്റെ കല്‍ബിലെ വെണ്ണിലാവ് നീ ..' എന്ന് പാടിത്തുടങ്ങിയതും എല്ലാവരും കൈയടികളോടെ അതിനെ സഹര്‍ഷം പ്രോത്സാഹിപ്പിച്ചു.
65 അമ്മാമാരാണ് മേഴ്‌സി ഹോമിലുള്ളത്. എല്ലാവര്‍ക്കും ഭക്ഷണം വിളമ്പി നല്‍കിയ ശേഷം അവരോടൊപ്പം ഇരുന്നു ഭക്ഷണവും കഴിച്ച ശേഷമാണ് അദ്ദേഹം മടങ്ങിയത്. കഴിഞ്ഞ ദിവസ്സം ഡല്‍ഹിയില്‍ ആയിരുന്ന അദ്ദേഹം ഇതിനായി മാത്രം കൊച്ചിയില്‍ എത്തുകയാര്‍ന്നു.മടങ്ങും മുന്‍പ് മെഡിക്കല്‍ ക്യാംപില്‍ നിന്ന് ഡോകടര്‍മാര് എഴുതി നല്‍കിയ മരുന്നുകളും അദ്ദേഹം വിതരണം ചെയ്തു. സെന്റര്‍ ഫോര്‍ എംപവര്‌മെന്റ് ആന്‍ഡ് എന്രിച്‌മെന്റ് ചെയര്മാന് ഡോ മേരി അനിത നേതൃത്വം നല്‍കി . വൈസ് ചെയര്മാന് ഡോ അനസ് , സിസ്റ്റര്‍ ഓക്‌സിലിയ ,സനല്‍ സത്യ ,അഡ്വ. സാബു തൊഴുപ്പാടന്‍ ,സുനില്‍ ആലുവ എന്നിവര്‍ ചടങ്ങില്‍ പങ്കെടുത്തു.