കോതമംഗലം: ഇടവേളക്ക് ശേഷംം തൃക്കാരിയൂര്‍ ആയക്കാട് മേഖലയില്‍ നായ ശല്യം അതിരൂക്ഷമായി. ഒരാഴ്ചക്കിടെ അഞ്ച് ആടുകളെയാണ് നായക്കൂട്ടം കടിച്ച് കീറിയിരിക്കുന്നത്.
ആയക്കാട് ആന്താംപറമ്പില്‍ ബാബുവിന്റെപുരയിടത്തില്‍ കെട്ടി ഇട്ടിരുന്ന രണ്ട് അടുകളെയാണ് വ്യാഴാഴ്ച നായക്കൂട്ടം അക്രമിച്ച് കൊന്നത്. ഇന്നലെ ഉണ്ടായ നായ അക്രമണത്തില്‍ ആയക്കാട് പാറക്കല്‍ ജേക്കബിന്റെ ഒരു ആട് തല്‍ക്ഷണം ചത്തു, മറ്റ് രണ്ട് ആടുകള്‍ പരുക്കേറ്റ് അവശനിലയിലാണ്.തെരുവ് നായ ശല്യം നിയന്ത്രണാതീതമായ നിലയില്‍വര്‍ധിച്ചിരിക്കുന്ന സാഹചര്യത്തില്‍ പ്രദേശത്തെ ക്ഷീര കര്‍ഷകര്‍ കടുത്ത ആശങ്കയിലായിരിക്കുകയാണ്.