തൊടുപുഴ: ലോക വനിതദിനത്തോടനുബന്ധിച്ച് ജെ.സി.എ.ഗ്രാന്‍ഡിന്റെ ആഭിമുഖ്യത്തില്‍ പ്രസ് ക്ലബ് ഹാളില്‍ വിവിധ മേഖലകളില്‍ മികവ് തെളിയിച്ച വനിതകളെ ആദരിച്ചു.
സംസ്ഥാന സര്‍ക്കാര്‍ അവാര്‍ഡ് നേടിയ അംഗന്‍വാടി ടീച്ചര്‍ ടി.കെ. അംബികാദേവി, മുനിസിപ്പാലിറ്റി സി.ഡി.എസ്. ചെയര്‍പേഴ്‌സണ്‍ ജമീല കെ, യോഗ അധ്യാപിക വിമല ബാലകൃഷ്ണന്‍ എന്നിവരെയാണ് ആദരിച്ചത്.
മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ ഉദ്ഘാടനം നിര്‍വഹിച്ചു. ചെയര്‍പേഴ്‌സണ്‍ ഇവര്‍ക്ക് മെമന്റോ നല്‍കി ആദരിച്ചു. ജെ.സി.എ.ഗ്രാന്‍ഡ് ജേസീററ്റ് ചെയര്‍പേഴ്‌സണ്‍ നിഷ സാജു അധ്യക്ഷത വഹിച്ചു. ജെ.സി.എ.ഗ്രാന്‍ഡ് പ്രസിഡന്റ് ചെറിയാന്‍ ആമുഖ പ്രസംഗം നടത്തി.
ജെസീററ്റ് ചെയര്‍പേഴ്‌സണ്‍ നിഷ സാജു വനിതകളെ പൊന്നടയണിച്ച് ആദരിച്ചു. സെക്രട്ടറി സെബിന്‍ ബേബി നന്ദി പറഞ്ഞു.