തൊടുപുഴ: ഇടുക്കി പ്രസ് ക്ലബിന്റെ കെ.പി. ഗോപിനാഥ് മാധ്യമ പുരസ്‌കാരം ദീപിക പാലക്കാട് ബ്യൂറോ ചീഫ് എം.വി. വസന്തിന്. 10,000 രൂപയും ഫലകവും അടങ്ങുന്ന അവാര്‍ഡ് 11 ന് തൊടുപുഴ പ്രസ് ക്ലബ് ഹാളില്‍ നടക്കുന്ന അനുസ്മരണ ചടങ്ങില്‍ വിതരണം ചെയ്യുമെന്ന് പ്രസ് ക്ലബ് പ്രസിഡന്റ് അഷ്‌റഫ് വട്ടപ്പാറ, സെക്രട്ടറി എം.എന്‍. സുരേഷ് എന്നിവര്‍ വാര്‍ത്താസമ്മേളനത്തില്‍ അറിയിച്ചു. ദീപികയില്‍ പ്രസിദ്ധീകരിച്ച 'ശോകം നിറച്ച് ഭാരതപ്പുഴ'എന്ന വാര്‍ത്ത പരമ്പരയാണ് അവാര്‍ഡിനു അര്‍ഹമായത്.