തൊടുപുഴ: മുസ്‌ലിം ലീഗ് സ്ഥാപകദിനം ജില്ലയില്‍ വിപുലമായ പരിപാടികളോടെ ഉണര്‍ത്തു ദിനമായി ആചരിക്കുമെന്ന് ജില്ലാ പ്രസിഡന്റ് എം.എസ് മുഹമ്മദ്, ജന.സെക്രട്ടറി എ.എം ഹാരിദ് എന്നിവര്‍ അറിയിച്ചു.
ഇന്ന് വൈകിട്ട് നാലു മണിക്ക് ഉടുമ്പന്നൂരില്‍ മുസ്‌ലിം ലീഗ് സംസ്ഥാന സെക്രട്ടറി ടി.എം സലിം സ്ഥാപക ദിനാചരണ സമ്മേളനം ഉദ്ഘാടനം ചെയ്യും. ആലിക്കോയ മലപ്പുറം ക്ലാസ്സെടുക്കും. കുമളിയില്‍ രാവിലെ 10.30ന് സംസ്ഥാന സെക്രട്ടറിയേറ്റ് മെമ്പര്‍ കെ.എം.എ ഷുക്കൂറും അടിമാലിയില്‍ വൈകിട്ട് മൂന്ന് മണിക്ക് നിസാര്‍ ബാഖവിയും ഉദ്ഘാടനം ചെയ്യും. രാവിലെ 8ന് വിവിധ കേന്ദ്രങ്ങളില്‍ പതാക ഉയര്‍ത്തലോടെ ദിനാചരണത്തിന് തുടക്കമാകും. പ്രഭാഷണങ്ങള്‍, ചര്‍ച്ചാ ക്ലാസ്സുകള്‍, മുതിര്‍ന്ന പ്രവര്‍ത്തകരെ ആദരിക്കല്‍ തുടങ്ങിയവും സംഘടിപ്പിച്ചിട്ടുണ്ട്.