പട്ടാമ്പി: ചെമ്പ്ര സി.യു.പി സ്‌കൂളില്‍ മലയാളത്തിളക്കം പരിപാടിയുടെ സമാപനത്തോടനുബന്ധിച്ചു കുട്ടികള്‍ തയ്യാറാക്കിയ പതിപ്പ് പ്രകാശനം ചെയ്തു. പിന്നോക്കം നില്‍ക്കുന്ന കുട്ടികളെ മുന്നിലെത്തിക്കാനുള്ള അധിക പ്രവര്‍ത്തനമാണ് മലയാള തിളക്കം. പ്രധാന അധ്യാപിക വി.പി ഉഷാദേവി ബി.ആര്‍.സി പ്രതിനിധി ഹൈദരാലി മാസ്റ്റര്‍ക്ക് നല്‍കിയാണ് പ്രകാശനം ചെയ്തത്. വിദ്യാലയത്തിലെ മുഴുവന്‍ കുട്ടികളും പതിപ്പ് നിര്‍മാണത്തില്‍ പങ്കാളികളായി.