കൊട്ടാരക്കര: വീടിനോടു ചേര്‍ന്നുള്ള ഫാമില്‍ കെട്ടിയിരുന്ന പശുക്കള്‍ക്കു വെട്ടേറ്റു. പുത്തൂര്‍ ആറ്റുവാശ്ശേരി കോയിപ്പുറത്ത് വീട്ടില്‍ രാധാകൃഷ്ണപിള്ളയുടെ  മൂന്നു പശുവിനാണ് വെട്ടേറ്റത്. ഒരു പശുവിന്റെ തലയില്‍ ആഴത്തിലുള്ള മുറിവുണ്ട്. ഒന്നിന്റെ കാല്‍ അറ്റ് തൂങ്ങിയ നിലയിലാണ്. ഫാമിലെ സഹായിയൊണ് സംശയിക്കുന്നതെന്ന് ഫാമുടമ പൊലിസിനോട് പറഞ്ഞു. സംഭവശേഷം ഇയാള്‍ ഒളിവിലാണ്. മൃഗസംരക്ഷണ ഉദ്യോഗസ്ഥരും ജനപ്രതിനിധികളും സംഭവസ്ഥലം സന്ദര്‍ശിച്ചു. പുത്തൂര്‍ പൊലിസ് കേസെടുത്ത് അന്വേഷണം ആരംഭിച്ചു.